PNBত একাউণ্ট থকা সকলে ৮ আগষ্টৰ ভিতৰত KYC কৰি লওক,যদি নকৰে তেন্তে একাউণ্টৰ পৰা লেনদেনত সমস্যা হ’ব পাৰে

যদি আপোনাৰ পঞ্জাৱ নেচনেল বেংকত (PNB) একাউণ্ট আছে,
তেন্তে সোনকালে আপোনাৰ KYC সম্পূৰ্ণ কৰক। যদি আপুনি এনে নকৰে তেন্তে আপোনাৰ
একাউণ্টৰ পৰা লেনদেন কৰাত সমস্যাৰ সন্মুখীন হ’ব পাৰে। বেংকটোৱে একাউণ্টধাৰীসকলক
৮ আগষ্টৰ ভিতৰত কেৱাইচি সম্পূৰ্ণ কৰিবলৈ কয়।
পঞ্জাৱ নেচনেল বেংকৰ মতে, ৩০ জুনলৈকে কেৱাইচি আপডেট নকৰা
এনে একাউণ্টধাৰীয়ে কেৱাইচি আপডেট কৰিব লাগিব। এনে গ্ৰাহকক পঞ্জীয়নভুক্ত মোবাইল
নম্বৰত এছএমএছৰ জৰিয়তে জনাইছে বেংকে। ইয়াৰ উপৰিও বেংকে এক্সত এই বিষয়েও তথ্য দিছে।

আপোনাৰ একাউণ্টৰ KYC কৰা হৈছে নে নাই জানিবলৈ আপুনি কাষ্টমাৰ কেয়াৰলৈ ফোন কৰিব লাগিব। গ্ৰাহকে গ্ৰাহক সেৱা নম্বৰ ১৮০০ ১৮০০ বা ১৮০০ ২০২১ নম্বৰত ফোন কৰি অধিক তথ্য লাভ কৰিব পাৰিব। এই দুয়োটা নম্বৰ টোল ফ্ৰী।

বেংকৰ শাখাত গৈ আপুনি আপোনাৰ KYC আপডেট কৰিব পাৰিব। আপুনি বেংকত KYC ফৰ্ম পাব,পূৰণ কৰি প্ৰয়োজনীয় নথি-পত্ৰৰ সৈতে জমা দিব। ফৰ্ম জমা দিয়াৰ পিছত আপোনাৰ KYC আপডেট হয়।