শৰীৰটো সুস্থ কৰি ৰাখিবলৈ সকলো ধৰণৰ ভিটামিন আৰু খনিজ পদাৰ্থৰ প্ৰয়োজন হয় যদিও বহু লোকৰ ভিটামিন ডিৰ অভাৱ প্ৰায়ে দেখা যায়, যাৰ কাৰণ হ’ল আমাৰ শৰীৰে ইয়াক বনাবলৈ সূৰ্যৰ পোহৰৰ ওপৰত নিৰ্ভৰশীল। অৱশ্যে ভিটামিন ডিৰ অভাৱ দূৰ কৰিবলৈ কিছুমান খাদ্য খাব পাৰি।
ভিটামিন ডি য়ে শৰীৰত অতি গুৰুত্বপূৰ্ণ ভূমিকা পালন কৰে। ই হাড়ৰ স্বাস্থ্য, পেশীৰ শক্তি, ৰোগ প্ৰতিৰোধ ক্ষমতা আৰু আৱেগিক স্বাস্থ্য বজাই ৰাখে। আমি খাদ্যৰ পৰা পোৱা আন বেছিভাগ ভিটামিনৰ দৰে নহয়, ভিটামিন ডি একেবাৰে বেলেগ।
আমাৰ ছালখন সূৰ্যৰ পোহৰ বিশেষকৈ UVB ৰশ্মিৰ সংস্পৰ্শলৈ আহিলে আমাৰ শৰীৰত ই উৎপন্ন হয়। বাৰিষা আৰু শীতকালত যেতিয়া সূৰ্যৰ পোহৰ কম হয় আৰু আকাশখন প্ৰায়ে ডাৱৰে আবৃত হয়, তেতিয়া আমাৰ সূৰ্যৰ পোহৰৰ সংস্পৰ্শ বহু পৰিমাণে হ্ৰাস পায়, যাৰ ফলত বহু লোকৰ ভিটামিন ডিৰ মাত্ৰা বৃহৎ পৰিমাণে হ্ৰাস পায়।
‘দ্য জাৰ্নেল অৱ নিউট্ৰিচন’ৰ মতে, বেছিভাগ মানুহেই মাৰ্চ-এপ্ৰিল মাহৰ আৰম্ভণিৰ পৰা ছেপ্টেম্বৰৰ শেষলৈকে সূৰ্যৰ পোহৰৰ পৰা প্ৰয়োজনীয় সকলো ভিটামিন ডি লাভ কৰে। কাৰণ বাহিৰত থাকিলে প্ৰত্যক্ষ সূৰ্যৰ পোহৰ ছালত পৰিলে শৰীৰত ভিটামিন ডি উৎপন্ন হয়। কিন্তু অক্টোবৰ আৰু ফেব্ৰুৱাৰীলৈকে আমি ভিটামিন ডি নাপাওঁ। গতিকে খাদ্যৰ জৰিয়তে ইয়াক বৃদ্ধি কৰিব পাৰি। ইয়াত আমি আপোনালোকক কিছুমান খাদ্য সামগ্ৰীৰ বিষয়ে জনাইছো য’ত ভিটামিন ডি পোৱা যায়।
১-তেলীয়া মাছ যেনে ছালমন, চাৰ্ডিন, ট্ৰাউট, হেৰিং বা মেকেৰেলত ভিটামিন ডি থাকে।
২-কণীৰ কুহুমৰ জৰিয়তেও ভিটামিন ডি লাভ কৰিব পাৰি।
৩- ফৰ্টিফাইড খাদ্য যেনে কিছুমান ফেটি স্প্ৰেড আৰু ব্ৰেকফাষ্ট চেৰিয়েল
৪- পশু ভিত্তিক সামগ্ৰীত ভিটামিন ডিৰ বাবেও যকৃত সেৱন কৰিব পাৰি। কিন্তু গৰ্ভৱতী হ’লে লিভাৰ খোৱাৰ পৰা বিৰত থাকক।
By
