মঙলবাৰে মুম্বাইত টেছলাই প্ৰথমটো শ্ব’ৰুম মুকলি কৰে। চিএনবিচিৰ এক প্ৰতিবেদন অনুসৰি টেছলাৰ দক্ষিণ-পূব সঞ্চালক ইছাবেল ফেনে ঘোষণা কৰিছে যে কোম্পানীটোৱে অতি সোনকালে ৰাজধানী দিল্লীতো এটা শ্ব’ৰুম মুকলি কৰিব।
কিছুদিনৰ পৰা বিক্ৰী হ্ৰাস হয় আছে মাস্কৰ টেছলাৰ। উচ্চ শুল্কক লৈ ভাৰতক সমালোচনা কৰি আহিছে মাস্কে।
এনে পৰিস্থিতিত সমগ্ৰ বিশ্বৰ অটোমোবাইল খণ্ডই ভাৰতীয় গাড়ীৰ বজাৰত টেছলাৰ প্ৰৱেশক আগ্ৰহেৰে চাই আছে।
টেছলা ইণ্ডিয়া সম্পৰ্কে কিছু গুৰুত্বপূৰ্ণ প্ৰশ্নৰ উত্তৰ জানি লওক
গাড়ীখনৰ দাম কিমান হ’ব?
টেছলাই ভাৰতত নিজৰ Model Y গাড়ী মুকলি কৰিছে, যাৰ আৰম্ভণিৰ মূল্য হ’ব ৭০ হাজাৰ ডলাৰ অৰ্থাৎ প্ৰায় ৬০ লাখ টকা।
গ্ৰাহকে টেছলাৰ অফিচিয়েল ৱেবছাইটৰ জৰিয়তে গাড়ীখন বুকিং কৰিব পাৰিব আৰু চলিত বিত্তীয় বৰ্ষৰ তৃতীয় ত্ৰৈমাসিকৰ ভিতৰত (অক্টোবৰৰ পৰা ডিচেম্বৰলৈ) ইয়াৰ ডেলিভাৰী হোৱাৰ সম্ভাৱনা আছে।
মাস্কে বহুদিন ধৰি টেছলাক ভাৰতলৈ অনাৰ পৰিকল্পনা কৰিছিল। ভাৰতত টেছলাৰ এটা কাৰখানাও খোলাৰ পৰিকল্পনা কৰিছিল।
টেছলাৰ মডেল ৱাই ৰিয়াৰ হুইল ড্ৰাইভৰ মূল্য প্ৰায় ৬০ লাখ টকা, আনহাতে মডেল ৱাই লং ৰেঞ্জ ৰিয়াৰ হুইল ড্ৰাইভৰ মূল্য ৬৮ লাখ টকা।
কোম্পানীটোৰ “ফুল ছেল্ফ-ড্ৰাইভিং” ফিচাৰ অতিৰিক্ত ৬ লাখ টকাত উপলব্ধ হ’ব, ভৱিষ্যতে আপডেটৰ প্ৰতিশ্ৰুতি দিয়া হৈছে যিয়ে বাহনখনক নূন্যতম মানৱ হস্তক্ষেপেৰে চলাব পাৰিব।
এই মডেলৰ মূল্য আমেৰিকাত ৪৪,৯৯০ ডলাৰ, যিটো প্ৰায় ৩৯ লাখ টকা, চীনত ৩৬,৭০০ ডলাৰ, যিটো প্ৰায় ৩২ লাখ টকা আৰু জাৰ্মানীত ৪৫,৯৭০ ডলাৰ, যিটো প্ৰায় ৩৯ লাখ ৫০ হাজাৰ টকা।
গতিকে প্ৰশ্ন উত্থাপন হয় যে ভাৰতত ইয়াৰ দাম ইমান বেছি কিয়?
টেছলাই গ্ৰাহকৰ বাবে ভাৰতলৈ অনা গাড়ীসমূহৰ শুল্ক প্ৰায় ১০০ শতাংশ হ’ব। সেইবাবেই ভাৰতত বিক্ৰী হোৱা টেছলাৰ গাড়ীৰ দাম ইমান বেছি।
এপ্ৰিল মাহত টেছলাৰ মুখ্য বিত্তীয় বিষয়া বৈভৱ তানেজাই ভাৰতৰ প্ৰতি কোম্পানীটোৰ আগ্ৰহ প্ৰকাশ কৰিছিল। কিন্তু তেওঁ লগতে কয় যে, “ভাৰতত কোম্পানীটোৱে অতি সাৱধানতাৰে পদক্ষেপ ল’ব কাৰণ ইভি (ইলেক্ট্ৰিক বাহন) আমদানিৰ ওপৰত ৭০ শতাংশ শুল্ক আৰু প্ৰায় ৩০ শতাংশ বিলাসী কৰ আছে।”
By
