কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে শেহতীয়াকৈ ঘোষণা কৰিছে যে ২০২৫ চনৰ ১৫ আগষ্টৰ পৰা ৩ হাজাৰ টকাৰ FASTag বাৰ্ষিক Pass কাৰ্যকৰী হ’ব।যদি আপুনি দৈনিক ঘাইপথত যাত্ৰা কৰে আৰু বাৰে বাৰে টোল টেক্স দিয়াৰ হেঁচাত বিৰক্ত হয়, তেন্তে আপোনাৰ বাবে এটা ভাল খবৰ। কেন্দ্ৰীয় চৰকাৰে FASTag ব্যৱহাৰকাৰীৰ বাবে নতুন বাৰ্ষিক পাছ মুকলি কৰাৰ কথা ঘোষণা কৰিছে যদিও প্ৰশ্ন হয় এই পাছে দেশৰ সকলো ঘাইপথতে কাম কৰিবনে আৰু কোনে এই সুবিধা নাপাব? এই আঁচনিৰ চৰ্তসমূহ কি।
নতুন Fastag পাছ কেতিয়া কাৰ্যকৰী হ’ব?
কেন্দ্ৰীয় পথ পৰিবহণ আৰু ঘাইপথ মন্ত্ৰী নীতিন গাডকাৰীয়ে শেহতীয়াকৈ ঘোষণা কৰিছে যে ২০২৫ চনৰ ১৫ আগষ্টৰ পৰা ৩ হাজাৰ টকাৰ FASTag বাৰ্ষিক পাছ কাৰ্যকৰী হ’ব।এই পাছটো এবছৰ বা ২০০ টোল ভ্ৰমণৰ বাবে বৈধ হ’ব, যিটো আগতে, অৰ্থাৎ এবছৰত ২০০ টা টোল প্লাজা পাৰ হ’লে কোনো অতিৰিক্ত মাচুল দিব নালাগিব।
ক’ত কাম কৰিব? এই পাছে দেশৰ সকলো ঘাইপথতে কাম কৰিবনে? উত্তৰটো হ’ল – নাই।
এই বাৰ্ষিক পাছ কেৱল ভাৰতীয় ৰাষ্ট্ৰীয় ঘাইপথ প্ৰাধিকৰণ (NHAI)ৰ দ্বাৰা পৰিচালিত ৰাষ্ট্ৰীয় ঘাইপথ আৰু এক্সপ্ৰেছৱেতহে বৈধ হ’ব। যদি আপুনি ৰাজ্যিক ঘাইপথ বা ব্যক্তিগত টোল প্লাজাৰ মাজেৰে পাৰ হয়, তেন্তে এই পাছে তাত কাম নকৰে আৰু আপুনি আপোনাৰ Fastag ৱালেটৰ পৰা পৃথকে ধন দিব লাগিব।কি লাভ হ’ব?এই পাছৰ বিশেষত্ব হ’ল ইয়াৰ দ্বাৰা যাতায়তৰ সময় আৰু ধন দুয়োটা ৰাহি হ’ব। উদাহৰণস্বৰূপে, যদি এটা টোল প্লাজাত গড় মাচুল ৫০ টকা হয়, তেন্তে ২০০ টা ভ্ৰমণৰ খৰচ ১০,০০০ টকা হ’ব পাৰে, কিন্তু এই বাৰ্ষিক পাছৰ সহায়ত আপুনি মাত্ৰ ৩,০০০ টকাত এই সুবিধা লাভ কৰিব পাৰে।
কোনে পাব সুবিধা?
প্ৰশ্ন হয় এই নতুন Fastag ৰ সুবিধা সকলোৱে পাবনে, তেতিয়াহ’লে আপোনালোকক কওঁ যে এই সুবিধা সকলোৱে নাপাব। এই পাছ কেৱল ব্যক্তিগত, অবাণিজ্যিক বাহন যেনে গাড়ী, জীপ আৰু ভ্যানৰ বাবেহে। অৰ্থাৎ যদি আপোনাৰ ব্যৱসায়িক বাহন যেনে টেক্সি, কেব, বাছ বা ট্ৰাক আছে, তেন্তে আপুনি এই বাৰ্ষিক পাছৰ সুবিধা ল’ব নোৱাৰিব। লগতে, আপোনাৰ Fastag সক্ৰিয় হ’ব লাগে আৰু ব্লেকলিষ্টত নহয়। যদি FASTag কোনো বেলেঞ্চ নাই বা ইয়াক উইণ্ডস্ক্ৰীণত সঠিকভাৱে ইনষ্টল কৰা হোৱা নাই, তেন্তে ইয়াক ব্লেকলিষ্ট কৰা হ’ব পাৰে, যাৰ বাবে আপুনি টোলত নগদ ধন দিব লাগিব।
কেনেকৈ সক্ৰিয় হ’ব?
এই পাছটো পাবলৈ হ’লে NHAIৰ অফিচিয়েল ৱেবছাইট বা ‘হাইৱে যাত্ৰা’ এপটো চাব লাগিব। ২০২৫ চনৰ ১৫ আগষ্টৰ পৰা ইয়াত এটা নতুন লিংক উপলব্ধ কৰা হ’ব যাৰ জৰিয়তে আপুনি আপোনাৰ Fastag ত বাৰ্ষিক পাছ সক্ৰিয় কৰিব পাৰিব।
By
